吃貨注意! 你不能錯過的8大美食天堂

係外國旅行、生活，要體驗當地文化除左要了解歷史，認識當地朋友外，又點少得食? 食物除左係純粹享受外，都可以令我地睇到更多當地文化，亦係同當地人溝通既好機會!

今次我決定將美食天堂一網打盡，讓身為吃貨既你好好品嚐，buen provecho！

1.墨爾本

講澳洲你可能只會諗起vegemite …… 但其實澳洲歷史都令澳洲有好多元化既飲食文化! 墨爾本19世紀末到20世紀初豐富移民史令美食區得以形成。逛逛倫斯敦街，品嚐令人難以抗拒既希臘小食；走走俗稱小意大利街的Lygon街；又或者去小柏克街，全澳最古老既唐人街，當中有幾間餐館已經有過百年歷史!

2.柏林

好多人覺得德國咖喱香腸（currywurst）係柏林美食代表（靜雞雞話你知: 想食Currywurst 既你可以一試十字山Curry 36 / 普倫茨勞貝格區Konnopke Imbiss）。不過，柏林既土耳其和中東美食亦非常出色。係土耳其戶外市場Turkenmarkt，可以搵到新鮮農產品、香料、土耳其麵包。除此之外，柏林仲有幾家世界上不少亞洲fusion 菜，相當出色。

3.巴塞隆拿

西班牙菜本身已經出色，而巴塞隆拿更加係一個令人食指大動既美食天堂。可以先由經典既 pa amb tomàquet、patatas bravas 同新鮮海鮮開始，再慢慢探索城內出名既市場同 Tapas 酒吧。

La Boqueria 市場有各式新鮮食材、火腿、芝士同地道特色美食，而 El Born、Gràcia 同 Gothic Quarter 一帶亦有好多餐廳，可以一路行一路食小食，或者坐低慢慢歎一餐。無論你想試傳統加泰隆尼亞菜，定係創意十足既現代料理，巴塞隆拿都有大把選擇俾你慢慢發掘。

4.羅馬

意大利料理肯定能躋身最受歡迎料理之列。係羅馬一定要試白Pizza、櫛瓜花煙肉蛋麵（Da Danilo或Roscioli餐廳的都好唔錯），仲有羅馬式比薩（Prati’s Pizzarium有好多間都好出色）。想避開觀光客地雷? 可以去第十三區（Trastevere）同第二十區（Testaccio）。呢兩個區既市場，例如Trastevere魚市場，都不能錯過!

5.溫哥華

溫哥華被海洋同群山包圍，飲食文化結合咗新鮮本地食材同世界各地既風味。海鮮當然係重點，三文魚、生蠔同其他來自太平洋既海產，喺城內好多餐廳都食得到。

由於溫哥華人口非常多元化，你仲可以食到日本、中國、印度、韓國，以至現代加拿大料理。想一次過試多啲，可以去 Granville Island Public Market 搵新鮮食材、烘焙食品同小食；又或者去 Richmond 同 Commercial Drive 發掘更多國際美食。新鮮海鮮、咖啡文化，加上對本地食材既重視，令溫哥華成為吃貨必去既城市之一。

6.都柏林

在都柏林，你可以食既多的是，例如香腸酥皮卷、炸魚薯條、生蠔配健力士啤酒、蘇打麵包、血腸等等！然後Chill 住過星期日，先係Pepperpot咖啡館（位於Powerscourt購物中心）食 Brunch，然後漫步到Hatch & Sons或The Pig’s Ear淺嚐傳統愛爾蘭美食。仲有半天打發？不如坐火車到霍斯Octopussys餐廳食新鮮的海鮮小酒菜，飲埋杯啤酒就 perfect!

7.利馬

想去南美洲盡情吃？去靠海城市利馬，先細味_ceviche_（檸汁醃生魚片伴辣椒、地瓜、白玉米）、tiradito（辣汁生魚片）、nikkei（秘魯日本跨界料理），再試食其他美食，例如_tacu-tacu_、lomo salteado、ají de gallina、causa。鍾意食海鮮? 先從La Red（米拉弗洛雷斯區海岸大道）和Punto Azul（蘇爾科區春天大道）開始，仲可以去 Los Bachiche（米拉弗洛雷斯區和平大道）一試驚艷既意大利 Fusion 菜。

8.東京

唔多講啦! 你可能熟東京熟過我! 咁你準備好出發大食特食未?